Það er svo gott að eiga góðar vinkonur

Ooo... það jafnast ekkert á við huggulega kvöldstund með góðum vinkonum. Það er svo nærandi að hlæja dátt og slúðra í góðra vina hópi. 

kerti, nammi og vinkonur, verður það betra?

Ég fékk frábæru Kennó-vinkonur mínar til mín í kvöld, eða þær sem komust með stuttum fyrirvara í miðju sumarfríi. Við sátum og spjölluðum um barneignir, námið og líkbrennslur.... þið vitið, the usual!

Ég er ekki barnabarn Auðbjargar Björnsdóttur fyrir ekki neitt og bauð því dömunum upp á kræsingar, já, já, daman skellti upp svuntu í dag og bakaði eins og alvöru húsmóðir. 

Grænt þema í gangi í eldhúsinu

Ég leitaði auðvitað til uppáhalds matarbloggarans míns, Evu Laufeyjar Kjaran, þegar koma að því að velja kræsingarnar. 

Þessar tvær uppskriftir urðu fyrir valinu (klikkið á nafnið til að sjá uppskriftina):

Besta eplabakan með salthnetum og ljúffengri karamellusósu

Eplabakan nýkomin úr ofninum og vinkonur í bakgrunn að spjalla

Þessi rann ljúft ofan í dömurnar með karamellusósu og vanilluís. Ég elska allan bakstur sem er einfaldur en samt góður og þetta er gott dæmi um það. 

Rjómaostasúkkulaðibitaoreo smákökur

Ok, mínar lúkka engan veginn jafn vel og Evu Laufeyjar, en hey, maður reynir allavega!
Svo er möst að hafa Nóa Kropp!

Hver elskar ekki Oreo? Þessar mistókust því miður aðeins hjá mér, fyrri platan var aðeins of lengi í ofninum :/ æj maður er nú bara mannlegur. En gómsætar eru þær nú samt. Stelpurnar voru nú ekki alveg nógu duglegar að gúffa þær í sig svo ég býð bara samstarfsfólkinu upp á þær með kaffinu á morgun, þar er fólk alltaf til í gúmmelaði.

Svona kvöld eru málið! 

Ást Kristín